بنت كانت تطالع شب بعين قويه ولكن

من طرف **ألحان الغروب** الجمعة أبريل 24, 2009 4:12 pm

الكشناوي يوسف.. قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟
كل شبر بهالوسعيه ملك ربي تعلمين
وأعلم إن اللي خلقني هو خلق لك هالعيون
لكن انتي من جلستي وانتي فيني تحدقين
كن ما به ناس غيري بهالكراسي يجلسون
لو سمحتي عاد أسمعي وحتى لو ما تسمحين
المهم اللي بقوله تسمعينه و يسمعون
ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عاد زينة والحياء في البنت زين
وفيك جآزم لا ركادة ولا حياءٍ يذكرون
تعرفيني ؟! أعرفك ؟! ماأذكر إنا ملتقين
لا أعرفك من تكوني و لا تعرفي من أكون
وإطمأني إن كان قصدك بس فيني تشبهين
ما هو أنا إلي تعرفيه والبشر يتشابهون
ما دريتي من التشابه يخلق الله أربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون
وإذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو أنا ألف غيري باب بيتك يطرقون
وش علامك رغم كل اللي أقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا منتي تسمعين؟؟
قالوا ربعي ذي كفيفة قلت لا لا تمزحون
لين شفتك يوم رحتي يمسكونك باليدين
ما دريت إلا عيوني أربع أربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنّة هالحياة وحن ترانا مؤمنين
الله اللي مسيّرنّا بين كاف وبين نون
وكل أبونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ما شكى من علةٍ كالآخرين
صمٌ و بكمٌ و عميٌ فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهين
وإن ماانعمت أبصارنا قلوبنا هم إللي يعتمون
يالكفيفة يالعفيفة إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟

تحياتي
منقول
الحان الغروب

</B></I>

من طرف **princess of pet** الإثنين أبريل 27, 2009 5:43 pm

بسم الله الرحن الرحيم
شكرا لك اخت الحان الغروب على القصة الرائعة
وبتمنى انه دائما نكون شاكرين للنعم
وبتمنى انه ما نتسرع في الحكم على الاخرين
حتى ما نظلم حد وكمان ما نتعرض للاحراج Embarassed

تقبلي مروري

من طرف **{{ رحال }}** الثلاثاء أبريل 28, 2009 2:24 am

سبحانك ربي خلقت واعظمت
واقولها ايضا نتمنى ان نكون دائما شاكرين للنعم
هي مشكلتنا اننا نحكم على الاخرين من النظره الولى ولا ندري
ما خلق ربي من صفات

الحان الغروب دمتي متميزه
تقبلي مروري
بارك الله فيكي

تحياتي
رحال

بنت كانت تطالع شب بعين قويه ولكن

بنت كانت تطالع شب بعين قويه ولكن

رد: بنت كانت تطالع شب بعين قويه ولكن

رد: بنت كانت تطالع شب بعين قويه ولكن